Artıq 195 Telefon Xidməti vasitəsilə İqtisadi İnkişaf Nazirliyinə də müraciət etmək olar.
Bunun üçün 195 Telefon Xidmətinə zəng edərkən İqtisadi İnkişaf Nazirliyi düyməsindən istifadə etmək lazımdır. İqtisadi İnkişaf Nazirliyinin 195-2 Telefon Məlumat Mərkəzi 2009-cu ilin sentyabrın 1-dən fəaliyyət göstərir.
Mərkəzə zəng etməklə İqtisadi İnkişaf Nazirliyinin səlahiyyətlərinə aid olan məsələlərlə bağlı müraciətlərə cavab almaq mümkündür.
Azərbaycanın istənilən yerindən stasionar və mobil telefonlardan 195-2 telefon xidmətinə zəng etmək olar. Mərkəz canlı rejimdə, iş günlərində fasiləsiz olaraq saat 9.00-dan 18.00-dək fəaliyyət göstərir. | 
